Nc’e nu mumentu
n’ta vita di perzuni
chi certi cosi n’dannu u supravventu
Sunnu ammucciati,
subitu ne vidi,
venunu fora
chi mmancu tu ne cridi
Si cumpundunu sempi ammenzu a l’atti,
non hannu forma ne pisu e no culuri
All’intrasartu ti menti mu rifretti,
cuminci u cangi o spissu,a tutti l’uri
Su….i sintimenti bboni chi provi a migli a migli,
l’aprunu u cori da terra finu e stigli
Affrunti u mundu megghjiu grazi ad igli
Giganti crisci ammenzu a nanaregli
Si begliu o bruttu ,se riccu o speglizzatu,
si cca saluti oppuru ntracoiatu
Chiglju chi cangia tra tia e l’atta ggenti
È u bonucori …i bboni sintimenti